شه‌فه‌ق نيوز/ شانه‌ى ره‌سانن ئه‌منى، ئاشكراى ئه‌وه كرد ته‌ياره‌يل هاپوه‌يمان ناوده‌وڵه‌تى په‌لاماريگ ئاسمانى ئه‌نجامدانه‌و وه‌لاى كه‌مه‌و 8 تيرۆريست له ريكخرياگ داعش له خوه‌رئاواى شار تكريت شوون له‌داڵگبوين سه‌دام حسێن سه‌رۆك رژيم وه‌رين كوشتنه.
شانه‌ى ره‌سانن له به‌ياننامه‌يگ وت: وه‌گووره‌ى ده‌سكه‌فتن زانيارێ هه‌واڵگرى، هيزيگ هاوبه‌ش له ليواى 21 له تيم پياده‌ى 14 و فه‌وجج ته‌كتيكى تايبه‌ت سه‌ر وه وه‌ڕيه‌وبه‌رايه‌تى پۆليس سه‌ڵاحه‌دين له فه‌رمانده‌يى سه‌ڵاحه‌دين وه پشتگيرى ته‌ياره‌يل سوپا و هاوپه‌يمان ناوده‌وڵه‌تى كرده‌وه‌يگ ئه‌منى ئه‌را له‌ناوبردن پاشماوه‌ى تيرۆريسته‌يل داعش له جزيره‌ى سينيه له خوه‌رئاواى شار تكريت ئه‌نجام داگه.
به‌ياننامه‌گه هه‌ميش وت: له‌و كرده‌وه‌ى ئه‌منيه 8 تيرۆريست له تيرۆرسته‌يل ريكخرياگ داعش له ئه‌نجام په‌لاماره‌يل هاوپه‌يمان ناوده‌وڵه‌تى كوشيانه‌و چوار بنگه‌ى تيرۆريسته‌يليش ويران كريانه.