شەفەق نیوز/ سەرچەوەیگ ئەمنی لە بەغداد، ئمڕوو دووشەممە، خەوەردا لە کوشیان کەسیگ، و دەسگیرکردن دوو کەس ک دوو تاوان نادیار لە خوەرئاوای بەغداد پایتەخت جیوەجی کردنە.
سەرچەوەگە ئەرا ئاژانس شەفەق نیوز وت: مرافەیگ کەفتە ناوبەین دوو هاوسا رەسیە وەکارهاوردن چەک سووک، ک بویە هووکار کوشیان کەسیگ لە ئاوای زەهەب ئەبیەز لە قەزای ئەبو غرێب، و دووپات کرد ک باس مرافەی هووزانەی سەختیگ وکەفتن زەخمدارەیلیگ راس نییە.
وتیش: مەفرەزەیل دژە تاوان بەغداد/ نویسینگەی ئەبو غرێب، توەنستن ئاشکرای دوو تاوان نادیار جیاجیا لە ناوچەی ئەبو غرێب بکەن.
دیاری کرد ک تیمیگ ئەرا وەشوینکەفتن تاوانەگە دروس کریا، ودویای مینەکردن و گردەوکردن زانیاری و دویای تەقەلای گەورە وجیاوازیگ رەسینە تاوانکارەیل ودەسگیریان کریا، و مەوقەی لێکۆڵینەوە وە ئاشکرا باس جیوەجیکردن دوو تاوان کوشتن کردن.
سەرچەوەگە وتیش: قسەیکیان واژوو کریا، و دادوەر بڕیار بەندیکردنیان وەگورەی مادەی ٤٠٦ لە یاسای سزادان عراقی دەرکرد.