شەفەق نیوز/ دادگای نەهیشتن تاوانەیل بابل، ئمڕوو یەکشەممە، فەرمان وەسێدارەدان لەبان سێیان لە رخبەرترین بازرگانەیل هوشبەری دەرکرد، ک هانە ناو تووڕیگ ناودەوڵەتی.
سەرۆکایەتی ئەنجومەن دادوەری باڵا لە بەیاننامەیگ رەسیە ئاژانس شەفەق نیوز وت: فەرمان وەسێدارەدان تا مردن لەبان سێیان لە گەورە بازرگانەیل هوشبەری دەرچگ، ک کار لەناو تووڕیگ ناودەوڵەتی ئەرا بازرگانیکردن وە هوشبەری کەن، ک لە دەوڵەت تورکیا تیەێدە ناو پارێزگایل باکوور و ناوڕاس و باشوور وڵاتەگە.
وەگورەی بەیاننامەگە، ٦٥ کێلوگرام لە مادەی هوشبەری لە چین سفر یەک (ئەمفیتامین) وەپیان گریا، دویای ئەوەگ وەلایەن پیاوەیل ئاسایش نیشتمانی بابل دەسگیر کریان.
بەیاننامەگە وتیش: فەرمانەگە لە بنەمای بڕیارەیل مادەی ٢٧/ یەکەم لە یاسای هوشبەری شمارە ٥٠ ئەرا ساڵ ٢٠١٧ دەرچگ.