شەفەق نیوز- بەغداد

وەڕێوەبەرایەتی هەواڵگری سەربازی، ئمڕوو شەممە، دەسگیرکردن 4 توومەتبار وە کەیسەیل ماددەیل هووشبەر، کە 3 گلەیان لە ئەنبار و یەکیگیان لە میسان بوین، لە ماوەی دوو ئۆپەراسیۆن جیاجیا راگەیان.

وەڕێوەبەرایەتیەگە لە بەیاننامەیگ  رەسیە ئاژانس شەفەق نیوز دیاری کرد، بەشەیل هەواڵگری و ئاسایش لە هەر دوو تیپ پیادەی دەیەم و بیس و دویەم چەودێری توومەتبارەیل کردن و شوینەیلیان وەپای زانیارییەیل هەواڵگری دیاری کردن، وەرجە دەسگیرکردنیان وەپای ماددەیل (28) و(32) لە یاسای ماددەیل هووشبەر و کاریگەرەیل عەقڵی.

ئاشکرا کرد  توومەتبارەیل و ماددە هووشبەرە دەوەبانگیریاگەیل رادەس لایەنەیل پەیوەنیدار کریان ئەرا تەواوکردن رێکارەیل یاسایی وەرانوەریان.