شەفەق نیوز ـ بەغدا
وەڕێوەبەرایەتی هەواڵگیری سەربازی، ئمڕوو چوارشەممە، دەسگیرکردن دە کەس راگەیان وە توومەت بازرگانیکردن وە مادەی هووشبەر و بڵاوکردنی لە ناوچە جیاوازەیل بەغدای پایتەخت.
وەڕێوەبەرایەتیەگە لە بەیاننامەیگ فەرمی ئاشکرایکد، لە ئۆپراسیۆن دەسگیرکردنەگە پشت بەسیاس وە زانیاری هەواڵگێری هویردیگ، و دانان کوڵە و بازگەیل لەناوکا، وەلایەن هەواڵگێری و ئاسایش فەرماندەیی پۆلیس بەغدا، وە هاوکاریوەرد دەزگا ئەمنیەیل ترەک.
وتیش؛ هێزەیل وە توومەتبارەیل دەسگردن وەبان بڕیگ لە مادە جیاوازەیل هووشبەر، دووپاتکرد دەسگیرکریاگەیل و دەسگیریاگەیل وەبانیان ئەرا لایەنەیل پەیوەنیدار کلکریەن ئەرا تەواوکردن رێکارەیل یاسایی وەرانوەریان.