شەفەق نیوز- بەغدا

داتایەیل دەزگای ناوەن ئەرا ئامار و رێکخسن مێسری، بەرزەوبوین هەناردەی مێسر ئەرا عراق لە ماوەی چارەک دویەم ساڵ 2026 ئەرا نزیکەی 122 ملیۆن دۆلار دەرخس، لە وەرانوەر 118 ملیۆن دۆلار لە چارەک یەکەم هەمان ساڵ، وە زیایبونیگ کە رەسیە نزیکەی 4 ملیۆن دۆلار و وە رێژەی 3.4%.

وەپای داتاییگ کە ئاژانس شەفەق نیوز ئیسفایکردیە، بوڕی و سۆندەیل و کەلوپەلەیل پلاستیکی هاتنە بان لیست دیارترین کالا مێسرییەیل هەناردەکریاگ ئەرا عراق لە چارەک دویەم، وە بڕیگ کە رەسیە نزیکەی 17 ملیۆن دۆلار، دویای ئیانە شاشەیل و ئامێرەیل نیشانداین و پێشوازی تەلەڤزیۆن وە نزیکەی 12 ملیۆن دۆلار.

هەمیش هەناردەی مۆبڵ و پارچەیلی رەسیە نزیکەی 10 ملیۆن دۆلار، و تێکڵای مادەیل بوونخوەشکەر نزیکەی 5 ملیۆن دۆلار، لە وەختیگ هەناردەی دەرمانەیل نزیکەی 5.7 ملیۆن دۆلار توومار کرد، و دەسماڵ تەندروسی و بەرهەمەیل پاکەوکەر  نزیکەی 3.9 ملیۆن دۆلار، بیجگە لە بەرهەمەیل ترەک.