شەفەق نیوز- بەغداد

داتایەیل نەخشەی بازرگانی سەروە سەنتەر بازرگانی ناودەوڵەتی، بەرزەوبۊن بڕ هەناردەیل فەڕەنسا ئەرا عراق وەرەو 106 ملیۆن دۆلار لە چارەک دۊەم لە ساڵ 2026 نیشان دان، وەراورد وە 78 ملیۆن دۆلار لە چارەک یەکەم، وە زیایبۊنیگ کە رەسیە 28 ملیۆن دۆلار، کە یەکسانە وە 35.9%.

 وەپای داتایەیل، بەرهەمە دەرمانسازییەیل گەوراترین بەرزەوبۊن توومار کردن، کە لە 2.9 ملیۆن دۆلار لە چارەک یەکەمەو ئەرا 27 ملیۆن دۆلار لە چارەک دۊەم بەرزەو بۊن، وە زیایبۊنیگ کە رەسیە 24.1 ملیۆن دۆلار، هەمیش هەناردەیل روینە بوودارەیل و رەزینەیل و پێکهاتەیل عەتر و جوانکاری و چەودیاری کەسی لە 6.3 ملیۆن دۆلارەو ئەرا 14 ملیۆن دۆلار بەرزەو بۊن، وە زیایبۊنیگ کە رەسیە 7.7 ملیۆن دۆلار، و هەناردەیل پێکهاتەیل دانەوەیڵ و ئارد و نیشاستە و شیر و بەرهەمەیل خەۊرکاری رەسیە 12 ملیۆن دۆلار لە چارەک دۊەم، لە وەختیگ ئامێر و کەرەستە کارەباییەیل و بەشەیلیان 9.9 ملیۆن دۆلار توومار کردن، لە وەراوەر 14 ملیۆن دۆلار.

لە وەختیگ هەناردەیل ئامێر و دەزگا میکانیکییەیل رەسیە 9.8 ملیۆن دۆلار، وەراورد وە 6.5 ملیۆن دۆلار، و ئامراز و دەزگا بینایی و پزیشکییەیل و ئامێرەیل پەیمانەکردن 9.4 ملیۆن دۆلار توومار کردن، لە وەرانوەر 2.6 ملیۆن دۆلار.

هەمیش هەناردەیل بەرهەمەیل شیرەمەنی و خا و هەنگوین و بەرهەمە خوەراکییەیل لە بنەڕەت ئاژەڵی رەسیە 4 ملیۆن دۆلار، و نووشینەیل و کحولییەیل و سرکە 3.4 ملیۆن دۆلار، و ماشین و پارچەیلی 3.1 ملیۆن دۆلار، و بەرهەمە کیمیاییە جیاوازەیل 1.8 ملیۆن دۆلار.