شەفەق نیوز/ هەفت شار عراقی، ئمڕوو پەنجشەممە، لە چوارچمگ ئەو ناوچەیلە توومارکریان کە بەرزترین پلەی گەرمی لەبان جەهان داشتنەلە ماوەی 24  ساعەت وەرین.

وەپای داتایەیل کە وێستگەی  "بلاسیرفیل" لە کالیفۆرنیای ئەمریکا بڵاویکردیە، 15 ناوچە و شارەیل لە جەهان بەرزترین پلەی گەرمی توومارکردنە.

شار "سافی ئاباد" لە ئیران لە پێشەنگ لیستەگەس، وەپای ئەوەگ بەرزترین پلەی گەرمی جەهان توومارکردیە کە 49.8 پلەی سەدی بویە، لە پلەی دویەمیش "فڕۆکەخانەی ناودەوڵەتی بەسرە" لە عراق تێد کە پلەی گەرمی 49.4 پلەی سەدییە، هەمیش شار  "ناسریە"، ناوەن پارێزگای ذی قار لە باشووری عێراق وەهەمان پلەی گەرمی تێد.

 فڕۆکەخانەی نودەوڵەتی کوەیت لە کوەیت پلەی چوارەم وەدەسهاوردیە و پلەی گەرمی 49.2 پلەی سیلیزی توومارکردیە و شار ئابادان لە ئیران پلەی پەنجەم وەدەسهاوردیە وە پلەی گەرمی 49 پلەی سیلیزی.

لە پلەی شەشەم شار "عەمارە"، ناوەن پارێزگای میسان لە باشوور عراق، پلەی گەرمای 49 پلەی سیلیزی توومارکرد، لە دویای ئەویش شار "ئامادییە" لە ئیران لە پلەی هەفەەم تێد ، کە هەمان پلەی گەرمی دیرێ.

شار ئەلفاو لە پارێزگای بەسرە لە باشووریترین بەش عراق لە پلەی هەشتەمە وە پلەی گەرمی 48.7 پلە و شار ئەهواز لە ئیران پلەی نۆیەم گردیە وە پلەی گەرمی 48.2 پلەی سەدی.

لە پلەی دەیەم شار "مزگەفت سلێمان" لە ئیران پلەی گەرمی ٤٨ پلەی سیلیزی توومارکرد .

ناوچەی "ئەلریفای" لە  پارێزگاری زیقار لە باشوور عراق لە پلەی یازدەهەم هاتیە، پلەی گەرمی 47.8 پلەی سیلیزی داشتیە، دویای ئەویش "فڕۆکەخانەی ناودەوڵەتی شا فەهد" لە سعودیە لە پلەی دوانزەیەمە و پلەی گەرمی 47.5 پلەی سەدییە .

شار کوت، ناوەن پارێزگای واست لە عراق، پلەی سێزدەیەم وەدەسهاوردیە، کە پلەی گەرمی 47.4 پلەی سەدییە، هەمیش شار ئەلئەحسا لە سعودیە پلەی چواردەهەم وەدەسهاوردیە، کە پلەی گەرمی 47.3 پلەی سەدییە.

لە کۆتایی شار عەلی غەربی لە عراق پلەی پانزەیەم وەدەسهاورد وە پلەی گەرمی 47.3 پلەی سەدی.