شەفەق نیوز/ کەشناسیگ عراقی، ئمڕوو پەنجشەممە، راگەیان وڵاتەگە رویوەروی واران ناوازەیگ بوود ک لە ساڵ نەوەنەگانەو وەخوەی نەدیە و لە نیمەی هەفتەی ئایندە دەسوەپی کەێد.
کەشناس عەلی جابر زیادی وە ئاژانس شەفەق نیوز وت، مەزەنە کریەد واران وارین رفتیگ ناوچەیل جیاواز وڵاتەگە بگرێەو ک لە نیمەی هەفتەی ئایندە هویردە هویردە دەسوەپی کەێد وە دیاریکریاگی لە شەو دوشەممەی ئایندە و لە شەوەکی سێشەممە رفتەو بوود.
زیادی وتیش؛ واران وارینەگە لە ئەنجام درویژەوبوین کەشوهەوای نزمە مامناوەندیگە وەشیوەی رویکەشی بەرزەوبوود ک هاوتاس وەگەرد چام دەریای عەرەب لەئەنجام ئەوریگ دروس بوود ک واران و گرمەهڕ دیرێد و ناوچەیل فرەیگ گرێدەو لە وڵاتەیل شام و جەزیرەی عەرەبی.
وتیش، واران وڵاتەگە لە ساڵ نەوەتگانەو لەهەمان وەخت لە ساڵەگە وەیجویرە وە خویەو نەدیە.