شەفەق نیوز ـ بەغدا

سەرگەوەیگ ئەمنی، ئمڕوو شەممە، راگەیان،  وەڕێوەبەر بەش راهێنان لە پەیمانگای نەفت بیجی، غەسان جومەیلی، لە پرۆسەیگ ئەمنی وە بەشداری دەسەی دەستپاکی دەسگیر کریا، وە مدوو گیچەڵ گەندەڵی.

سەرچەوەگە وە ئاژانسی شەفەق نیوز وت: "هێزیگ ئەمنی وە بەشداری دەسەی دەستپاکی توەنست غەسان جومەیلی، وەڕێوەبەر بەش راهێنان لە پەیمانگای نەفتی بیجی، وە مدوو تێوەگلان لە گیچەڵ گەندەڵی دەسگیر بکەێد"، دیاریکرد  ئەو کەسە براگەی عەدنان جومەیلیە.

 وتیش: "پرۆسەی دەسگیرکردنەگە وە پای رێوشوینەیل یاسایی ئەنجام دریا"، وەبی ئاشکراکردن وردەکاری زیاتر.