شەفەق نیوز/ سەرچەوەیگ ئەمنی لە پارێزگای زیقار، ئمڕوو دوشەممە، خەوەردا هێزەیل ئەمنی مناڵ رفیایگ ئازادکردنە لە باکوور پارێزگاگە.
سەرچەوەگە ئەرا ئاژانس شەفەق نیوز باسکرد ک، هێزیگ ئەمنی هاوبەش مناڵیگ ۹ ساڵان ئازاد کرد، دۊای دە رووژ لە رفیانی لە یەکیگ لەئاوایەیل قەزای شەترە باکوور پارێزگای زیقار.
سەرچەوەگە وتیش:" هووکار رفانن مناڵەگە نیەزانن، رفنەرەیلە ئەرا شۊن نادیاریگ واین، هێزەیل ئەمنی نەتوەنستنە دەسگیریان بکەن لە مەوقەی هەڵکوتانە بان شۊن رۊداوەگە.