شەفەق نیوز/ شانەی راگەیانن ئەمنی، ئمڕوو پەنجشەممە، راگەیان دەسگیرکردن ئەندام ناودیاریگ لە ریخریاگ داعش لە مەفرەزەی کوشتن و وەرپرسە لە چەن پەلاماریگ ترۆ

شانەگە لە بەیاننامەیگ وت: ئاژانس هەواڵگری و لێکۆڵینەوەیل فیدڕاڵی توێنستن تیرۆرستیک ناودیار لە چەتەیل ریخریاگ داعش دەسگیر بکەن، چەن پەلاماریگ لەبان هێزە ئەمنیەیلە لە پارێزگای ئەنبار جیوەجی کردگە، و دویای لێکۆڵینەوە وەگەردی، ئاشکرای خوەی کرد ک لە ساڵ ٢٠١٤ بویەسە لایەنگر داعش ، ئیجا بویەسە سەربازیگ لەلای داعش لە کەرت فەلوجە، و لە چەن پەلاماریگ بەشدار بویە.

وتیش؛ دەسگیرکریایەگە هەمیش پەیامنێر داعش بویە لە وبلایەت سەڵاحەدین و ویلایەت کەرکوک لە ساڵ ٢٠٢٠، و لەناو مەفرەزەیگ ئەمنی  تیرۆری ئەرا کوشتن هاوڵاتییەیلە لە قەزای تکریت کار کردگە.