شەفەق نیوز/ لیوا یەحیا رەسول قسەکەر سەربازی فەرماندەی گشتی هیزە چەکدارەیل، ئمڕوو یەکشەممە، خەوەردا ک هیزەیل ئەمنی توەنستن تیرۆریستیگ بکوشن پشتین بومبی بەسایە، لە پارێزگای نەینەوا، و ٦ ئەندام لە ریخریاگ داعش لە بەغداد پایتەخت دەسگیر کردن.

لیوا رەسول لە بەیاننامەیگ وت " کەرتەیل دژەتیرۆر وە بەشداریکردن ئاژانس هەواڵگری و لێکۆڵینەوەی فیدراڵی لە وەزارەت ناوخۆ و هیزەیل ئاسمانی عراقی و فڕۆکەوانی سوپای عراق لە ئەرکیگ لە کویەیل بادوش لە پارێزگای نەینەوا سەرکەفتن.

وتیش: توەنستن یەکیگ لە تیرۆریستەیل لەناو تەقەکردن ڕاستەخۆ لەناو تونێلیگ بکوشن، ک تیرۆریستەگە تەقەلای وایین لە دەس ئازایل دا، وەلێ وە کوتپڕ کوشتنەی، و دەرکەفت ک پشتین بومبی بەساگە، وتیش تونێلەگە وە تەواوی خاپوور کریا.

لیوا یەحیا رەسول وتیش: ٦ کەس لە ریخریاگ داعش دەسگیر کریان، یەکیگیان لە بەغداد پایتەخت، و ئەماریگ عەتاد لە ئاوای تەل خربە لە پارێزگای نەینەوا پەیا کریا.