شەفەق نیوز/ سەرچەوەیگ ئەمنی وەرپرس لە دیالە، ئمڕوو شەممە، خەوەردا لە هیزگردن ئاگریگ لەناو خەسەخانەی ژیر بیناکردن لە ناحیەی قەرەتەپە.
وەسفی تمیمی وەڕیەوبەر ناحیەی قەرەتەپە ئەرا ئاژانس شەفەق نیوز وت: ئاگریگ لەناو قات پەنجەم لە خەسخانەی قەرەتەپە ک ها ژیر بیناکردن وە ٥٠ شەوخەف هیز گرد، وتیش: ئاگرەگە رەسیە ئەو چووەیلە ک ئەرا سازین کۆنکرێت وەکار هاوریایە.
تمیمی دووپات کرد ک تیمەیل وەرگری شارستانی وەردەوامن لە کپەوکردن ئاگرەگە، وداوای پاڵپشتی لە سەعدیە و جەلەولا کریا تا ئاگرەگە کپەو بکریەێد، و نوای فراوانبوینی بگرن، وتیش: زەرەدەیل دارایی بوین، و زەرەد گیانی توومار نەکریایە، ودیاری کرد ک ئاگرە رویداو بویە و دەس کەسیگ لەناوی نییە، و ئەوەسا دویای کپەوکردنی کەفێدە لێکوڵینەوە.