شەفەق نیوز - بەغداد
سەرچەوەیگ ئاگادار، ئمڕوو شەممە، خەوەردا کە هیزیگ ئەمنی تایبەت جینشین وەزیر نەغت ئەرا کاروبارەیل پاڵاوتن (وەڕێوەبەر گشتی کۆمپانیای پاڵاوگەیل باکوور و پاڵاوگەی بێجی) "عەدنان حەمەد حەموود" دەسگیر کردگە، وە توومەتەیل گەندەڵی.
سەرچەوەگە ئەرا ئاژانس شەفەق نیوز وت: ئۆپراسیۆن دەسگیرکردنەگە لە ناوچەی "ئیسحاقی" لە پارێزگای سەڵاحەدین جیوەجی کریاس، و دۊای راگەیانن سەرۆک ئەنجومەن وەزیرەیل عراقی عەلی زەیدی ئەرا جەنگ لەبان گەندەڵی و وهویردبینیکردن گریەبەسەیل حکومەتی هات.
ئاژانس شەفەق نیوز چەوی کەفتە پەیامیگ نهێنی و دەسوەجێ لە فەرماندەیی پولیس پارێزگای سەڵاحەدین کە دووپات لە جیوەجیکردن ئۆپەراسیۆن دەسگیرکردنەگە و رەوانەکردن سەرەتاییەیل ئەرا ئاژانس وەزارەت ناوخۆ ئەرا کاروبار هەواڵگری و لێکۆڵینەوەیل فیدراڵی کەێد.
هەرلیوا، ئەرا ئاژانس شەفەق نیوز وەپی نەکریا پەیوەندی وەگەرد وەزارەت نەفت عراقی بکەێد ئەرا ئاگاداربوین لە وردەکارییەیل ترەک لەباوەت دەسگیرکردنەگە.