شەفەق نیوز/ نرخ تەڵای بیگانە و عراقی، ئمڕوو سێشەممە ٣٠ تەشرین دۊیەم ٢٠٢١ لە بازاڕەیل ناوخۆیی بەغداد، وەشیوەی کەمیگ داوەزیا.
پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ لە تەڵای خەلیچی و تورکی و ئەوروپایی لە بازاڕەیل بڕ فرووشتن لە جادەی نەهەر رەسیە ٣٦٨ هەزار دینار، و نرخ سەنینی رەسیە ٣٦٤ هەزار دینار.
پەیامنێرمان وتیش: نرخ فرووشتن یەک مسقاڵ عەیار ٢١ لە تەڵای عراقی داوەزین وەخوەی دی لەپای ٣٣٨ هەزار دینار، و نرخ سەنینی رەسیە ٣٣٤ هەزار دینار.
لەباوەت نرخ تەڵا لە دوکان زەڕنگەرەیلە، نرخ فرووشتن یەک مسقاڵ تەڵای خەلیجی عەیار ٢١ هالە ناونی ٣٧٠ هەزار دینار و ٣٧٥ هەزار دینار، و نرخ فرووشتن یەک مسقاڵ تەڵای عراقی هالە ناونی ٣٤٠ هەزار دینار و٣٤٥ هەزار دینار.
یەیش لە وەختیگ تیەێد ک نرخ تەڵا لە بازاڕەیل جەهانی بەرزەو بۊیە، وەگەرد داوەزین نرخ دۆلار ئەمریکی لەوەر نەوەی نوو ڤایرۆس کۆرۆنا ئۆمیکرۆن ک کاریگەری لەبان ئابووری جەهانی داشت.