نەجەف یەک تویشهاتیگ وە کۆڕۆنا تۆمار کەێد لە ناو 93 هاڵەتی گومان لیکریاگ.

شەفەق نیوز/ لوئەی ئەلیاسری سەرۆک خانەی قەیران لە نەجەف ئمڕو دوشەممە بەڵاو تومارکردن یەک تویشهاتگ وەڤایرۆس کۆڕۆنا کرد

ویاسری لە بەیانیگ ئەرا شەفەق نیوز وت: ک تاقیگەی تەندروسی لە نەجەف ئەشرەف ئمڕو دوشەممە هەڵسیا وەتاقیکردن لە بان 93 نمونەی گومان لیکریاگ 31

هاڵەت لەناویان لە پلان سڕین هەرەمەکیەگ ک دویەکە ئەنجام دریا لە ناوچەی میسان/ لە کوفە.

ووتیش: لە ناو تاقیەگان دیار دا ک تەنیا هاڵەتیگ هەڵگر ڤایرۆسەگە بوی لە کوفە- جادەی مەعمەل گومان لیکیراگ لەژیر وشکنین نەخوەشی ( دەیشت گەڕەک میسان)

وەی جویرە کوی گشتی ئەرا هاڵەتەیل تۆمار کریاگ لە نەجەف ئەشرەف بودە ( 284 تویشهاتگ )، ( 221 خاسەوبوین) ( 5 مردگ).

وپارێزگەر نەجەف داوا لە هاوڵاتیەیل وەگشتی کرد ک پابەند بون وە رینمایەیل خانەی قەیران تا خوەیان وخیزانیان وکومەڵگە بپارێزن لە تویشهاتن وە پەتا، ودەریش نەچن

ودویر لە هەر گردەوبوینیگ بون وپابەند بون وەپاکی گشتی، جویر بەردەوام دەس شوردن وەئاو وەسابون، وبچنه نزیکترین بنکەی تەندروسی هەنای گومان وە پەتا داشتیون.