شه‌فه‌ق نيوز/ ئه‌نداميگ له په‌رله‌مان عراق له‌بان پاريزگاى به‌سره ئاشكراى دانيشتنيگ كرد ئه‌را تاوتويكردن مه‌سه‌له‌ى هه‌ڵوژاردن كانديديگ يا زياتر ئه‌را پۆست وه‌زاره‌ت نه‌فت له‌ناونى 45 ناو ك ناويان له ليستيگ ئه‌را ئه‌و پۆسته هاتگه له‌وه‌ر پيشكه‌شكردنى وه مسته‌فا كازمى سه‌رۆك وه‌زيره‌يل.
له‌ى باوه‌ته‌و، ئاژانس شه‌فه‌ق نيوز ليست ئه‌و ناوه‌يله كه‌فته ده‌سى ك پيشكه‌ش كردنه ئه‌را وه‌ده‌سهاوردن ئه‌و پۆسته‌و زوورميانيش ناوه‌يليگن ناسرياێ و پۆسته‌يل تر حكومى داشتنه له پاريزگاگه.
جى باسه، ئه‌و ليسته 45 ناو له‌تى وجوود ديرێد، له‌ناونيانيش جه‌بار لعێبى وه‌زير نه‌فت وه‌رين و ئحسان عه‌بدولجه‌بار وه‌ڕيه‌وبه‌ر كۆمپانياى نه‌فت به‌سره و ناوه‌يليگ تر له ئه‌نجومه‌ن پاريزگا له خوله‌يل وه‌رين و نوێنه‌ره‌يليگيش وه‌رين له په‌رله‌مان عراقى.