شەفەق نیوز/ خیزانیگ خەڵک پارێزگای سەڵاحەدین، ئمڕوو شەممە، تویش کەلەمەی گەورەیگ هاتن لەناو ئاهەنگ سویر کوڕیان لە قەزای عەلەم.
پەیامنێر ئاژانس شەفەق نیوز وت: داڵگ زاواگە وەناکاوەو لە ئەنجام نوورە دڵیگ گیانی لەدەسدا، هەناێ لەشان زاوا و وەوی نیشتوێد لە یەکیگ لە هۆڵەیل ئاهەنگ لە قەزای عەلەم.
پەیامنێر ئاژانسمان وتیش: ئاهەنگ سویرەگە بویە پرسە، و ئی کەلەمە بویە خوسە و خەفەتیگ لەناو بنەماڵەی دوو سویرەگە.
پەیامنێرمان لە زار کەسوکارەیل ئەو ژن مردیە وت: داڵگ زاواگە تەندروسیی خاس بوی و هویچ بیمارییگ نەیاشتیە.