وەگورەی نەخشەی کەشوهەوا، ئمڕوو و شەممە، و لە رووژەیل بانانیش کەشوهەوای گەرمی تاوسان لە عراق بوود، و پلەیل گەرما لە فرەی ناوچەیل ناوەند و باشوور وڵات لە 50 پلەی سەدی نزیکەو بوون، و وە ریژەیگ کەمتر لەو ناوچەیل لە خوەرئاوا و باکوور.
ئی بەرزەوبوین پلەی گەرمی لەوەر زاڵبوین پارچە وای گەرمیگ وەبان ناوچەگە و لە وەختیگ شەپوول گەرما تا پەنجشەممەی ئایندە کەمێک کەمەو بوود، وەگەرد ئەوەیش دیارە کە تاوسانیگ سویەر ئمساڵ چەوەڕیمان کەێد، وەقسەی پسپۆڕەیل کەشناسی.
مەزەنە کریەێد ئەور وارانی لە بەرزایەیل باکوور وەتایبەتی شاری دهۆک دروستد بوود، و هاتێ بەشیگ لە ناوچەیل باکوور موسڵیش بگرێدەو یەیش وەشیوەیگ گشتی دەرفەتیگ سنوردارە کە هاتێ لە رووژەیل بانان خاستر بوودر لە وەختیگ شەپوول بووخ لە باشوور لەب ئیوارە دەسوەپی کەێد و سوو یەکشەممە زیای کەێد و ئیوارەی سێشەممە یا شەوەکی چوارشەممە کۆتایی تیەێد.
تا کۆتایی دویەم سێیە لەی مانگە و سەرەتای سێیەمی کۆتایی، مەزەنە کریەێد ناوچەیل وڵات لەوەر شەپوولیگ گەرمای سەخت بکەفنە ژیر کاریگەری و هاتێ شمارەی پەیمانەیی پلەی گەرمی توومار بکەێد، وەگورەی هووشداری ناوەند ئەوروپا لە بەرزەوبوین پلەی گەرما تا کۆتایی ڕی مانگە لە باشوور عراق رەسێدە 55 پلەی سەدی، بەڵام مەزەنەیل ئەگەر ئاڵشتکاری لەبانی دیرن، وەگورەی قسەی پسپۆڕەیل.