شه‌فه‌ق نيوز/ ئه‌سيل نوجێفى پاريزگار وه‌رين له‌كار لاورياێ له هاوپه‌يمانى "ئه‌لقه‌رار" وت: هيزه‌يل چه‌كدار عراقى تواسگه شار موسڵ وه بۆمب ته‌قياگ بۆردومان بكا له‌و شه‌وه ك شاره‌گه كه‌فته ده‌س ريكخرياگ تيرۆريستى داعش.
نوجێفى وێنه‌يگ بڵاو كرد و له‌تى وت: محه‌مه‌د ئبراهيم ئه‌ندام ئه‌نجومه‌ن پاريزگا و سه‌رۆك ليژنه‌ى ئه‌منى له ئه‌نجومه‌نه‌گه له‌وه‌ده‌ره‌م ليژنه‌ى رميان موسڵ باس له‌وه كردگه ك له‌سه‌عات 9 له شه‌و رميان موسڵ عه‌بود كه‌نبه‌ر(يارمه‌تيده‌ر سه‌رۆك ئه‌ركان سوياى وه‌رين عراق)باس له ئاماده‌كارى به‌رميله‌يل ته‌قياگ كردگه ك ماوه‌ى ويرانكردنى ئه‌ره‌سيده 500 مه‌تر، ك ييش وه‌و مانا هه‌ر به‌رميليگ 10 - 15 ماڵ ويران ئه‌كا وه‌لاى كه‌مه‌و و ئاماده‌يش بوينه ئه‌را وه‌شاننى له‌بان موسڵ كويه‌ن دوياى سه‌عاتيگ له گفتگوو هاوبه‌شيان.
نوجێفى هه‌ميش وت: يه‌يش ئه‌و هاوكاريه بوى ك داواى له‌ليم كردن و هه‌ر وه‌و خاتريشه پلانه‌يليان له‌ليم شارديانه‌و داوا له‌ليم كرديان ده‌سخوه‌شى له‌ليان بكه‌م له ويرانكردن شاره‌گه‌و چه‌پڵه ئه‌رايان بكوتم.
