شەفەق نیوز/ ئاژانس ئیڕنای فەرمی ئیران، ئمڕوو پەنجشەممە، لەزووان جینین پلاسخارت نوێنەر نەتەوە یەکگرتوەگان لەعراق وت: ئەوەسا وەی نزیکە سەردان تەهران کەێد
ئاژانسەگە باسکرد ک پلاسخارت دووپاتکرد ئەرا ئیرج مەسجدی باڵوێز ئیران لەلای عراق، لە چەوپیکەفتنەگەی ناوبەینیان لە بارەگای باڵیۆزخانەگە لە بەغداد، لە ئامادەیی خوەی ئەرا سەردان تەهران وەی نزیکە.
ئاژانسەگە وتیش؛ مەسجدی وپلاسخارت لەچەوپیکەفتنەگە باس لە گرنگترین گەشەگان لەمەیدان عراق کردن و هەڵوێست ئیران لەی باوەتە.
ئاژانسەگە هەمیش وت؛ هەردوگلا ئیرانی ونەتەوەیەگە دووپاتکردن لە گرنگی ئارامی وئەمن و وەردەوامی ری عراق وەرەو پێشکەفتن دویرلە ئاڵوزیەگان، وئەویش لە دەورەگەی لە باوەتەیل سیاسی وئەمنیەگان و ئابووریەگان لە چین ناوچەگە.