شەفەق نیوز - ئەنقەرە

وەزارەت وەرگری تورکی، رووژ چوارشەممە، پیشوازی کرد لەو گامەیلە کە حکومەت عراقی جیوەجی کرد ئەرا چەسپانن دەسەڵات دەوڵەت لە قەزای شەنگال لە پارێزگای نەینەوا، وە هەژمارکردن ئەوە کە وەرگردن وەرپرسیارێتی ئەمنی لە ناوچەگە لەلایەن هێزە ئەمنییە عێراقیییلەو نۊنەرایەتی گامیگ کەێد وەرەو سەقامگیری.

 وەزارەتەگە، لە بەیاننامەیگ کە ئاژانس شەفەق نیوز دییەی، وت کە ئەنقەرە پیشوازی کەێد لە ریکارەیل دوایی عێراق لە شەنگال، وە دەسنشانکردن ئەرا ئەوە کە نواچگن ئەمنی لە ناوچەگە دەرچە دا ئەرا چگن وەرەو نوا لە ڕێکخستنەیل وەدەسداین بنکەی بەعشیقە - زێلیکان ئەرا دەسەڵاتەیل عراقی وەپەی ميكانیزم و ئەو مەوقەیلە لەبانی رێککەفتنە.

 بەیاننامەگە دووپات کرد لەبان وەردەوامبۊن پاڵپشتیکردن تورکیا ئەرا عراق لە نووڕینەیل ڕاهێنان و هاوکاری سەربازی و ئەمنی و ڕووبەڕووبۊن تیرۆر.

 ئی گام تورکییە لە دۊای جویلەیل حکومەت عراقی تیەێد ئەرا لەنوو ڕێکخستن رەوش ئەمنی لە شەنگال، کە حکومەت، دوشەممەی گوزەشتە  دەسکردن وە ریکارەیل کۆتاییهاوردن وە سەربازی سەروەخوەی یەکەیل وەرگری شەنگال راگەیان، و تیکەڵکردن ئەندامەیلی لەناو دامەزراوە ئەمنییە فەرمییەیل، وە هاووەختی وەرد ئاڵشتکردن وەرپرسیاریەتی ئەمنی لە کویەی شەنگال ئەرا دەسەڵاتەیل فیدراڵی.