شەفەق نیوز - بەغداد

‏نەخشەیل کەشوهەوا، ئمروو یەکشەممە، نیشان دان کە وڵات کەفێدە وەر کاریگەری بارودۆخیگ لە جێگیرنەبوین کەشوهەوا لە ماوەی ناوبەین 7 تا 9 مانگ نیسان ئی ساڵە، یەیش لە ئەنجام دروسبوین نزمەپاڵەپەستۆگ "روکەش" وەگەرد کیشانەو شەپۆلیگ سەرد لە تاقەیل بانین ئاسمان.

‏نموونەیل کەشوهەوا دیاریکەن  گشت ناوچەیل باکوور یەکەم جار کەفنە وەر کاریگەری ئی نزمەپاڵەپەستۆ، و دویایی ناوچەیل جیاجیا لە ناوچەی ناوڕاس، کە دەرفەت دروسبوین ئەورەیل پەڵەپەڵەی وارانی وە شێوەی پرزە پەیا بوود، و وەگەردی دروسبوین ئەور ئەور واراناوی و هیلێد بەڵاچە دروسبوود وەگەرد گورجەوبوین وا.

‏ ناوچەیل باشوور، دەرفەت وارانیان "کەمە" یا هەر نییە، یەیش لە ئەنجام کەمبوین تەوژم چامدار خولگەیی و پاشەکێشەکردن سەرد تاقەیل بانین، هاووەخت وەگەرد جێگیرنەبوین پلەیل گەرمی و دیاربوین جیاوازی گەرمی ناوبەین شەو و رووژ وە مدوو ئاڵشتبویەیل وەرز وەهار.

‏