شەفەق نیوز/ جابر خەفاجی سەرکردە لە رەوت سەدر، ئمڕوو سێشەممە، باس رەتکردن ئەو هەڵمەتە لەلایەن موستەفا کازمی سەرۆک وەزیرەیل کرد ئەرا گفتوگۆ ناوبەین لایەنەیل عراق ئەرا دەرچگن لەی قەیران سیاسیە.
خەفاجی لە بەیاننامیگ رەسیە ئاژانس شەفەق نیوز وت: وە هویچ چارەیگ پینەکردن ڕازی نییمن ونەیش نیشتن لەبان مێز خڕیگ، وبایەتە ئاڵشتبوین ریشەیی بوود.
ئەو کەس نزیکە لە موقته‌دا سه‌در باس رەتکردن هەڵمەتەگەی کرد ک گەلەگە دی هەوسەڵەی نەما و رازی وە دزەیل نییە، وبیزار بوی لە لایەنگری و سیخوڕی، و وەچەو خودی دوینێد وڵاتەگەی دزیەێد و کەفتیەسە دەس دەوڵەتەیل هاوسا.
وەرجەیە، سەرۆک وەزیرەیل لە بەیاننامیگ مکیس گشت لایەنەیل ئەرا ئارامبکردن کرد، تا دەسوە هەڵمەتیگ ئەرا چارەکردن لەبنەمایل نیشتمانی بکەن، و نەچن وەرەو توومەتکردن و زوان خیانەتباری، و دروسکردن دوژمنی و خوسە ناوبەین برایل لە یەک نیشتمان.
هەمیش داوا لە گشت لایەنەیل کرد دانیشنە بان مێزیگ گفتوگۆ نیشتمانی، ئەرا رەسین وە چارەیگ سیاسی لەی قەیرانە.