شەفەق نیوز/ ئەمینداریەتی گشتی مەزار کازمیە لە بەغدای پایتەخت، ئمڕوو چوارشەممە، راگەیان نزیکەی 5  ملیۆن کەس ئەرا زینگکردن یاد کووچ دویایی ئیمام محەمەد جەواد هاتنەسە شارەگە.

لە بەیانامەیگ راگەیان، تا ئامادەکردن بەیاننامەگە شمارەی زیارەتکەرەیل رەسیەس ئەرا زیاتر لە 4 ملیۆن  و734 هەزار، و 772 زیارەتکەر..

وتیش "تا ئیسە زیارەتکەرەیل وە کوومەو ئەرا شار کازمیە تێن دوعایقبوڵکردن کردەوەیل و سەلامەت گلەوخواردنیان کەیمن.

پارێزگای بەغداد، رووژ یەکشەممەی وەرین، راگەیان دەوام فەرمی رووژ سێشەممە هاوکات وەرد  کووچ دویایی ئیمام محەمەد جەواد پشووە، وە لەوەرچەوگردن زیارەتیگ ملیۆنی و وە پشت بەسان وە دەنگدان ئەنجومەن پارێزگاگە.