وەگورەی بازرگانەیل بڕ فرووشتن لە بازاڕ جەمیلە لە بەغداد، نرخ بەنج (مەحمود) ٣٠ کێلوی رەسیە ٦٥ هەزار دینار، و نرخ کارتۆنیگ ٢٠ کیسەیی لەیەک کێلو رەسیە ٤١ هەزار دینار.
نرخ شەکەر (٢٥ کێلوی) رەسیە ٢٨ هەزار دینار، و یەک کارتۆن ١٢ قوتی ئاو تەماتەی (زەڕ) ٨٢٥ کێلوی رەسیە ٣٣ هەزار دینار.
نرخ یەک کارتۆن ٢٠ بوتڵ روین زەیت (زەڕ) یەک لیتری رەسیە ٤٩ هەزار دینار، و نرخ یەک کارتۆن ١٣ تەبەقەی خای سوور عراقی رەسیە ٧٢ هەزار دینار.
وەگورەی ئی نرخەیلە، گرانی ئاشکرایگ لە نرخ خواردەمەنی لە بازاڕەیل بڕ فرووشتن نشان دەن، ئەوەیش وەگەرد وەردەوامی لە بەرزەوبوین نرخ دۆلار.
نرخ دۆلار ئەمریکی وەرانەوەر دینار عراقی، ئمڕوو سێشەممە، لە بۆرسەی سەرەکی بەغداد پایتەخت و لە هەرێم کوردستان وەردەوام بوی لە بەرزەوبوین، تا بڕەسێدە نزیک ١٥٩ هەزار، و یە یەکەم جارە لە وەختیگ وە شیوەی فەرمی لە بوودجەی دەوڵەت لە ساڵ ٢٠٢٠ وە ١٤٦ هەزار دینار نرخەگەی دیاری کریا.
بانک ناوەندی عراق لە بەیاننامەیگ وت: هوکارەیل بەرزەوبوین نرخ دۆلار لەوەر زوورەیلیگ وەختانە لە ئەنجام کارەیلیگ ناوخوەیی و دەیشتەکی هاتیە، و دووپات کرد ک نرخ خەرجکردن فەرمی ١٤٦ هەزار دینارە.