شەفەق نیوز/ نرخ تەڵای بیگانە و عراقی لە بازاڕە ناوخۆیەیلە لە بەغداد پایتەخت، ئمڕوو شەممە، بەرزەو بوی، و لە بازاڕەیل هەولێر پایتەخت هەرێم کوردستان جیگیر بوی.  

پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ لە تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە ٣٧٣ هەزار دینار، و نرخ سەنینی رەسیە ٣٦٩ هەزار دینار. 

پەیامنێر ئاژانسمان وتیش: نرخ فرووشتن یەک مسقاڵ عەیار ٢١ تەڵای عراقی بەرزەوبوین توومار کرد لەپای ٣٣٣ هەزار دینار، و نرخ سەنینی رەسیە ٣٢٩ هەزار دینار.  

لە باوەت نرخ تەڵا لە دوکان زەرەنگەریلە، نرخ فرووشتن یەک مسقاڵ تەڵای خەلیجی عەیار ٢١ ها ناونی ٣٧٠ هەزار دینار عراقی ٣٨٠ هەزار دینار، و نرخ فرووشتن یەک مسقاڵ تەڵای عراقی ها ناونی ٣٣٠ هەزار دینار، و ٣٤٠ هەزار دینار.   

نرخ تەڵا لە بازاڕەیل هەولێر جیگر بوی، ک نرخ فرووشتن وەیجویرە بوی:   یەک مسقاڵ عەیار ٢٤ وە 427.000 هەزار دینار      

یەک مسقاڵ عەیار  22 وە 390.000 هەزار دينار   یەک مسقاڵ عەیار 21 وە  380.000 هەزار دينار   یەک مسقاڵ عەیار 18 وە  320.000 هەزار دينار.