شەفەق نیوز/ نرخ تەڵای عراقی و  بیگانە، ئمڕوو چوارشەممە، لە بازاڕە ناوخۆیەیلەی بەغدا  و لە هەرێم کوردستان بەرزەوبوین وە خوەی دی. 

پەیامنێر ئاژانس شەفەق نیوز وت : نرخ فروشتن یەک مسقال تەڵای عەیار 21 خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت، رەسیە 371 هەزار دینار، ونرخ سەنینی رەسیە 367 هەزار، نرخ فروشتن  رووژ دوشەممە  369 هەزار بوی. 

پەیامنیرمان وتیش: نرخ فروشتن یەک مسقال تەڵای عراقی بەرزەوبوین وە خوەی دی لە پای 331 هەزار دینار وە نرخ سەنینی رەسیە  327 هەزار دینار.  لە باوەت نرخ تەڵا لە دوکان زەرەنگەریلە، نرخ فروشتن یەک مسقاڵ تەڵای عەیار 21 خەلیجی ها لە ناوەنی 370 هەزار دینار و 380 هەزار دینار، نرخ تەڵای عراقی ها لە ناوەنی 330 هەزار و 340 هەزار دینار. 

نرخ تەڵا لە بازارەیل هەولێر بەرزەوبوین وە خوەی دیە نرخ مسقالیگ تەڵای عەیار  24 وە  428.000 هەزار  ومسقالیگ تەڵای عەیار 22  وە 390.000 هەزار و مسقالیگ تەڵای عەیار 21 وە 380.000 هەزار و مسقالیگ تەڵای عەیار 18 وە 320.000 هەزار.