شەفەق نیوز - میسان

سەرۆک ئەنجوومەن پارێزگای میسان مستەفا دعەیر، رووژ یەکشەممە، داوا لە حکومەت فیدراڵی لە بەغداد کرد، وە پەلەکردن لە دووارە وازکردن دەروازەی سنووری شیب وەرد ئیران.

 دعەیر، لە کۆنگرەیگ رووژنامەوانی کە لە دەروازەی شیبەو بەسادەی، داوا کرد وە "وازکردن دەروازەی سنووری شیب لە ماوەی 3 رووژ، و لە ئەگەر وازنەکردن دەروازەگە لە مووڵەتیگ کە لە ئمڕووەو کیشێدەو تا رووژ پەنجشەممەی ئایندە".

 دووپات کرد: "یاخیبۊن مەدەنی راگەیەنمین و گشت ریەیل بەسیمن، و پارێزگاگە لە لەش عراق جیاوە کەیمن، ئەگەر ئی داواکارییە ئەرامان جیوەجی نەکریەێد".

 حکومەت عراقی رووژ سێشەممە 20 لە مانگ تشرین یەکەم / ئۆکتۆبەر ئیسە بڕیار بەسانن دەروازەی سنووری شیب وەرد ئیران دا تا ئاگادارکردنیگ ترەک.

وەزارەت ناوخۆی ئیران، رووژیگ دۊای ئەوە نیگەرانی خوەی لە بڕیار بەسانن دەروازەگە نشان دا، وە دووپاتکردن ئەوە کە تەهران هیچ ئاگادارکردنیگ وەرین وە بڕیارەگە لە بەغدادەو وەرنەگردگە.