شەفەق نيوز- واست
محمد مەیاحی پارێزگار واست، ئمڕوو چوارشەممە، دەسلەکارکیشان خوەی لە پۆستەگەی راگەیان، و ئەنجومەن پارێزگاگە پەسەنی کرد.
مەیاحی لە بەیاننامەیگ رەسیە ئاژانس شەفەق نیوز وت: ئەرا رێزگردن لە خوین شەهیدەیل چوینکە گشتیان هەڵوێستیگ خوازن بەشیگ لە زەخمەیل زیانداریان تیمار بکەێد، و لە وەفاداری ئەرا ئەوان و خەڵک ئی پارێزگا کە وە چەوەیلم و ئارەق تیوڵم خزمەتیان کردم، و هویچ رەنجیگ نەخستمە کەنار لە هەر مەوقەیگ لە خزمەتم، و وەگشت شانازییگ پیشکەشکردن دەسلەکارکیشانم ئەرا ئەنجومەن پارێزگای واست راگەینم، و لە ئەنجومەن رێزدار پارێزگاگە پەسەن کریا.
ئەو ئاگرە کە لەناو "هايبەر ماركێت" لە پارێزگای واست لە رووژ چوارشەممەی گوزەشتە هیز گرد، بویە هوکار کوشیان دەیان کەس و زەخمداری دەیان ترەک، یەکیگ لە فرەترین رویداوە کارەساتەبارەیل لای ساڵە بوی، کە داواکاری لێکۆڵینەوە و سزادان لەلیەو بویەو.
جی باسە کە محمد شیاع سودانی سەرۆک وەزیرەیل مەیاحی هەواڵەی دەسەی لێکۆڵینەوە کرد، لەشوین ئەو ئاگرە.
ئەنجومەن پارێزگای واست، لە بەیاننامەیگ رەسیە ئاژانس شەفەق نیوز، راگەیان کە دانیشتنیگ فریاکەفتنی وە ئامادەبوین پارێزگار وەڕیەو چگ، ئەرا باسکردن لە کاردانەیل ئەو ئاگر زیاندارە، و محمد جەمیل مەیاحی دەسلەکارکیشانی پیشکەش کرد، ئەرا رێزگردن لە خوین شەهیدەیل و رکداری لەبان ئارامی پارێزگاگە، و وە فرەیی پەسەن کریا.
وتیش: تا واست نەچوودە ناو بۆشایی ئیداری، هادی مەجید گزار وە فرەیی جویر پارێزگار واست هەڵوژیا.