شەفەق نیوز/ سەرچەوەیگ لە پولیس عراق، ئمڕوو شەممە، خەوەردا کە گەنجیگ فەرمانبەر حکومەتی برای خوەی کوشت، وە دەسپیچگ ئەوە کە براگەی کار وەکارهاوردن و بازرگانیکردن وە مادەی هووشبەر کەێد.
سەرچەوەگە ئەرا ئاژانس شەفەق نیوز وت: مەفرەزەیل پولیس لە شار سەدر ئاگاداری وەرگرد لە کوشیان کابرایگ وەناو (ح، ص، ع، ر) لەداڵگبوی ساڵ 1995 توومەتبارە وە وەکارهاوردن وبازرگانیکردن مادەی هووشبەر.
سەرچەوەگە دیاری کرد کە لە دویای نووڕستن کامیرایل چەودیاریکردن و گردەوکردن زانیاری لەبان تاوانکار، لەناو ماڵەگەی دەسگیر کریا کە ناوی (م، ص، ع، ر) لەداڵگبوی ساڵ 2000 فەرمانبەرە لە وەزارەت پەروەردە و برای قوربانەیەگەس.
سەرچەوەگە دیاری کرد کە لە لێکۆڵینەوە ئاشکرا کرد کە براگەی هووشبەری وەکار تیەرێد و بازرگانی وەپی کەێد و ناوی بەدناوە لە ناوچەگە، و تواستیە لەلی قورتار بوود، و وە گولەی کلاشینکۆف کوشتیەسەی.