شەفەق نیوز/ تیمەیل وەرگری شارستانی، ئمڕوو سێشەممە، توەنستن جیماگەیل رمیاگ ماڵیگ هەڵگرن، و ژنیگ لە ژیری رزگار بکەن، و تەرم ژنیگ دراوردن، لە ئەنجام رمیان ماڵ کۆنەیگ لە قەزای هیت خوەرئاوای پارێزگای ئەنبار.
وەرگری شارستانی لە بەیاننامەیگ رەسیە ئاژانس شەفەق نیوز وت: ماڵەگە مەوقەی رەدبوین دوو ژنەگە لە وەردەمی رمیا بانیان، ک هیشت تیمەیل وەرگری شارستانی دەس بیەنە وەر و جیماگەیل رمیایەگە لەبان ئەو دوو ژنە هەڵگردن، و ژنە زەخمدارەگە ئەرا خەسەخانە بریا، ژنە قوربانیەگە دریا دەس پزشک دادوەری، و لێکۆڵینەوە لە رویداوەگە واز کریا.