شەفەق نیوز ـ ئەنبار
فەرماندەیی پۆلیس ئەنبار، ئمڕوو سێشەممە، دەسگیرکردن کابرایگ سووری راگەیان وە توومەت ناسانن خوەی وە پزیشک دگان ناسانییە و کلینیکیگ نایاسایی لەناو ماڵی وازکردیە لە پارێزگاگە.
فەرماندەیەگە لە بەیاننامەیگ رەسیە ئاژانس شەفەق نیوز راگەیان، ئۆپراسیۆنەگە وەبان بنەمای هەواڵگێری هویردیگ کریاس لە دویای وەرگردن رەزامەنی پێویت دادگا و هەماهەنگی وەرد وەڕێوەبەرایەتی هەواڵگێری ئەنبار و بەش وشکنین لە فەرمانگەی تەندروسی ئەنبار و هێزەیل پیادە.
وتیش؛ هێزە ئەمنیەیل هەڵکوتانەس بان ماڵ توومەتبارەگە مادە و کەرەستەیل تایوەت وە پزیشک دگان پەیاکردنە وەرجە ئەوەگ وەو توومەتە دەسگیر بکرێد.
دیاریکرد، توومەتبارەگە ناوی (ن.ج.ح.ق)، وەپای بڕگە مادەی (260) لە یاسای سزاداین دەسگیرکریاس، و رێکار یاسایی پێویست وەرانوەری گێرێدەوەر.