شەفەق نیوز ــ بەغداد

وەزارەت ناوخوەی، شەو جمعە لەبان شەممە، راگەیان رێکارەیل ئیداری و یاسایی وەرگردیە وەرنوەر شمارەیگ وەرپرس و فەرمانبەر لەبان رویداو هیزگردن ئاگر لەناو مۆڵیگ لە پارێزگای واست، و کە بویە مدوو کۆتایهاتن وە ژیان دەیان کەس.

سەرۆک فەرمانگەی پەیوەنی و راگەیانن له وەزارەت ناوخوەی عەمید موقداد میری لە بەیاننامەیگ رەسیە ئاژانس شەفەق نیوز راگەیان، "لیژنەی لێکۆڵینەوەی باڵا  وە فەرمان سەرۆک گشتی هێزە چەکدارەیل وە سەرۆکایەتی وەزارەت ناوخوەی دروسکریا،  وەدویاچگن کەن لە گشت زانیاری و بەڵگەیل مەیدانیانە و بەراوردی کەن وەرد قسەی شایەتتالەیل و وەرپرسەیل، لە ئەنجام لێکۆڵینەووەیل سەرەتایی دەرکەفتیە، کەموکوڕی ئاشکرایگ هەس وەلایەن چەن کەسیگەو".

لە بەاننامەگە هاتییە، لیژنەگە بڕیاردا وە دەس لەکارکیشان 17 فەرمانبەر لە کارەگەیان وەشیوەی وەختانە تا تەواوکردن لێکۆڵینەوە، لەناویان وەرپرسەیلیگ لە شارەوانی کوت و فەرمانگەی گەشتوگوزار و فەرمانگەی ئا و فەرمانگەی چەودێری و تەندروسی وەرد وەرپرسەیل وەرین لە بەش زیایچگنەیل و سەلامەتی پیشەیی و ریگەوبان هەس.

وەرد رێکار دەسوەسەرکردن سێ ئەفسەرگە لەلیان وەڕێوەبەر بەش ئاسایش گەشتوگوزار لە واست، و وەڕێوەبەر وەرگیری شارستانی واست، و فەرماندەی کەرت یەک وەرگیری شارستانی کوت.

دووپاتکرد، ئێ  گامە وە پشت بەسان وە بڕگە   ماددەی (331) لە یاسای سزادان عراق شمارە 111 ساڵ 1969، جویر  هەموارکریاگ و وەپای ئەو دەسەڵاتەیله دریاگە وە  لیژنەی باڵای لێکۆڵینەوە.

دووپاتکرد "لیژنەگە وەردەوامە لە کارەیلی دەسوەجی لە دویای تەواوکردنی ئەنجام لێکۆڵینەوەگە وە رووشنی راگەێنیەێد".