شەفەق نیوز ـ بەغداد
سەنتەر "نەخیل" ئەرا ماف و ئازادی رووژنامەنویسەیل لە عراق، ئمڕوو دووشەممە، خەوەردا لەپەیاکردن تەرم وینەگر رووژنامەنویس وسام غانمی لەدویای دوو رووژ لە دیارنەمەننی لە پارێزگای دیوانییە.
وەپای خەوەرەیل سەرەتایی تا ئیرنگە هووکار دیارنەمەنن و مردنی نادیارە، جی نیگەرانی فرەیگ لەناو دەزگایەیل راگەیانن ناوخوەیی دروسکردیە، وەپای بەیانیگ کە رەسیەس وە ئاژانس شەفەق نیوز.
سەنتەرەگە لە بەیاننامەیگ راگەیان، سەرخوەشی لە کەسوکاری کەیمن، و داوا لە لایەنەیل پەیوەنیدار کەیمن دەسوەجی لێکۆڵینەوە لە رویداوەگە بکەن وەرد راگەیانن ئەنجامەگەی ئەرا رای گشتی.
دووپاتکرد، ئۆپراسیۆنەیل کە رووژنامەوانەیل گرێدە ئامانج جوراوجورن، هەوەجەی پاراستن ئازادی رووژنامەوان و دابینکردن بیوەیی ئەو کەسەیل کەێد کە لە مژار راگەیانن کارکەن.