شەفەق نیوز/ سەرچەوەیگ ئەمنی، باس رەوش ناوچەی خەزرای ناوڕاس بەغداد پایتەخت کرد لە شەوەکی ئمڕوو پەنجشەممە، دویای خوەینشاندان دویەکەی رەوت سەدر.  

سەرچەوەگە ئەرا ئاژانس شەفەق نیوز وت: گشت دەروازەیل ناوچەی خەزرا ئەرا هامشوو مەردم وازە، و هویچ بەسیانیگ نییە. 

سەرچەوەگە وتیش: رەوش ئاسایش ناوچەگە خاسە، و ئارامی لەناو جادەیلی دیارە.  

دویای نیمەڕو دویەکە چوارشەممە، خوەینشاندان جەماوەری گەورەیگ لە لایەنگرەیل رەوت سەدر لە مەیدان تەحریر ناوڕاس بەغداد پایتەخت دەسوەپی کرد، لە ناڕەزاییان لەبان کاندیدکردن محمد شیاع سوودانی لەلایەن چوارچیوەی هەماهەنگی ئەرا سەرۆکایەتی حکومەت نوو.   

ناڕەزایلە دویای گردەوبوینیان، روی وەرەو رەدکردن پیەڵ جەمهوریە کردن ک وەرەو ناوچەی خەزرا چوود، و کۆنکرێت بان ریەگە لاوردن، تا بتوەننن بچنە ناو ناوچەی خەزرا.   

دویای ئەوە، سەدان لە لایەنگرەیل رەوت سەدر چینە ناو  بینای پەرلەمان عراق لەناوچەی خەزرا.    کامیرای ئاژانس شەفەق نیوز،  وە پەخش زنی، وەناوچگن لاێەنگرەیل رەوت سەدر ئەرا ناو بینای پەرلەمان توومار کرد، هەنای درووشمەیلیان وتیان، وبەشیگیان تەقەلا دا بچوودە ناو هۆڵ دەستووری.  

ئیجا، موقتەدا سەدر، داوا لەو لایەنگرەیلیە کرد ک چینە ناو بینای پەرلەمان عراق و ناوچەی خەزرا، تا ئەرا ماڵ خوەیان گلەو بخوەن.   

سەدر لە پۆستیگ لەبان تویتەر نویسان: شۆڕش موحەڕەم حەرام، شۆڕش چاکسازی و رەتکردن ستەم وگەندەڵیە، پیامدان رەسێد ئی دووسەیل، ک زیڕە وە گەندەڵەیل کردین... #گووشە_جەرە.  

وتیش: دوو رکعە نماز بخوەنن و وەبی وەی ئەرا ماڵەیلدان گلەو بخوەن.  دویای ئەوە، نووری مالکی سەرۆک وەزیرەیل وەرین، وە چەک دەسی لەنزیک ماڵەگەی لە ناوچەی خەزرا دەرکەفت.

تیم پاسەوان مالكی دەوری گردن وخوەی چەکیگ وەدەسی بوی، دویای  خەوەر رەسین لایەنگرەیل سەدر ئەرا ماڵەگەی.