شه‌فه‌ق نيوز/ وه‌رپرسيگ ناوچه‌يى له دياله، ئاشكراى هاتنه‌وه‌ى ناكووكى و گرژيه‌يل عه‌شايرى كرد ئه‌را ناحيه‌ى ئه‌بى سه‌يدا وه دويرى 30كم له خوه‌رهه‌ڵات باقووبه، ئه‌ويش له ئه‌نجام نه‌وين چاره‌سه‌ره‌يل كۆمه‌ڵايه‌تى و ياسايى.
له‌ى باوه‌ته‌و، حه‌يده‌ر عه‌بد تميمى قايمقام ئه‌بى سه‌يدا له باسيگ ئه‌را شه‌فه‌ق نيوز، وت: كيشه و ناكووكيه‌يل ئه‌بى سه‌يدا هويچ چاره‌سه‌ريگ ئه‌راى نه‌ويه وه دريژايى ساڵه‌يل گوزه‌يشت و هويچ هه‌وڵه‌يليگ ئه‌را چاره‌سه‌ركردنى سه‌ركه‌فتگ نه‌ويه له ئارامه‌وكردن و ژيان هاوبه‌ش و كه‌سه‌يليگ هه‌ن ياخى بوينه‌و هويچ رێ وشوونيگ ده‌رهه‌قيان له‌وه‌ر نه‌گيرياگه.
نميمى وت: دوسيه‌ى ئه‌بى سه‌يدا دڕگينه‌و هه‌وه‌جه وه كۆنترۆڵكردن ديرێد له‌لايه‌ن حكومه‌ت و عه‌شايره‌وه ئه‌را هاوردنه‌وه‌ى ئاشتى و كووتاييهاوردن وه جه‌نگ و كوشتار عه‌شايرى ك سه‌دان كه‌س له‌تى كوشيانه‌و زه‌خمدار بوينه وه دريژايى ساڵه‌يل وه‌رين.
جى باسه، زويتر له ئه‌بى سه‌يدا ناكووكى عه‌شايرى كه‌فته‌سه‌و له‌ده‌ورگرد شاره‌گه‌و ئه‌ويش بويه‌سه هووكار كوشيان دو كه‌س و زه‌خمداربوين كه‌سيگ تر.