شەفەق نیوز/ وەزارەت تەندروسی و ژینگەی عراق، ئمڕوو یەکشەممە، هەڵوێست پەتاگە لە مردن و تویشهاتنەیل ڤایرۆس کۆرۆنا لە گشت وڵاتەگە وەماوەی ٢٤ سەعات گوزەشتە راگەیان. 

وەزارەتەگە لە بەیاننامیگ رەسیە ئاژانس شەفەق نیوز وت: شمارەی تویشهاتنەیل ئمڕوو رەسیە ٢٣٨٣، و هەمیش ٢٣٩٣ بیمار لە پەتاگە خاسەو بوینە، ویەک مردن لە پارێزگای هەولێر توومار کریا.   

وەزارەتەگە وتیش: وە ماوەی ٢٤ سەعات گوزەشتە ١٢٩٣ کەس واکسین دژوە ڤایرۆسەگە وەرگردنە. 

وەزارەتەگە تەمەی هاووڵاتییەیل کەێد لە گرنگی وەرگردن ئەو واکسینە ک لە بنکەیل تەندروسی حکومەت دابین کریایە، وتیش فرەی تویشهاتنەیل کەو کەسەیلە توومار کریەن ک واکسین نەگردنە.