شەفەق نیوز/ پۆلیس عراق، ئمڕوو پەنجشەممە، خەوەردا لە دەسگیرکردن ژن و پیاویگ دۊیای وەشانن نارنجەیگ ئەرا نزیک هۆتیلیگ لە بەغدا.
پولیس بەغدا لە بەیاننامەیگ رەسیە ئاژانس شەفەق نیوز وت: " بەش فریاکەفتن کەڕادە تۊنستیە ژن و پیاویگ دەسگیر بکەێد ک نارنجە وەپیان بۊیە".
وتیش؛ یەیشە لە ماوەی گەردین خول فریاگوزاری سەر وە ناوچەی سەعدون تیەێد، هەنای دەنگ رمەیگ لە ناوچەگە تیەێد، کۆنتڕۆڵ ناوەنی ئاگادارکریا چگنە شۊن رووداوەگە و ئاشکرا بۊێە ک نارنجەیگ لە نزیک هۆتێلیگ لە ناوچەی سەعدون تەقییە".
وتیش؛ وە خێرایی دۊیای هۊرددۆیی و گەردین ناوچەگە، ژن و پیاویگ گگومالیکریاک لە نزیک بەنزینخانەی سەعدون دینە".
دیاریکرد" هەردگیان دەسگیرکریانە و نارنجەیگ وەپیان بۊیە، دان وە ئەنجامداین کارەگەیان دانانە ک نارنجەیگ خستنەسە نزیک هۆتیلیگ و ئەو نارنجەی تر وەپیان بۊیە فرەدانەسە ناو بەنزینخانەگە، لە دۊیایش ئەرا بنکەی پۆلیس بریان.