ژینگەناسەگە لە بەیانیگ رووژنامەوانی راگەیان، " لەماوەی ئی وەرز تاوسانە عراق پلەی گەرمی جەهانی توومارکرد کە رەسیە نیمەی پلەی کوڵیان،  کە پارێزگایل بەسرە و میسان و زیقار  و ناوچەی خانەقین گەرمترین شارەیل بوینە"، وتیش " بەرزترین پلەی گەرمی لە بەسرە بویە کە 52,6 پلەی سەدی توومارکرد لەماوەی مانگ ئاب وەرین".

وتیش " عراق فرەجار بودە خاوەن لیست زیاترین ئەو شارەیل پلەی گەرمی بەرزەوبوود، کە 13 شار عراقی لە چوارچمگ 15 گەرمترین شارەیل جەهان بوینە".

لە گوزەشتە بەرزترین پلەی گەرمی لە جەهان و عراق ، لە بڕوار  22 تەمووز 2016 بوی لە پارێزگای  بەسرە، رەسیە 53.6 پلەی سەدی.

وەپای  راپۆرتیگ وڵاتەیەکگرتگەیل، عراق وە یکیگ لەو پەنج وڵاتەیلەس کە رویوەروی وە بیاوان بوین و ئاڵشتبوین ئاووهەوا بویە، یەیش بویەسە هووکار شەپولە گەرمیەیل درویژیگ، کەم وارانی، و کەمی زەوی وە پیت، بەرزی رێژەی ئاو سنور رەدکردیە، بڵاوبوین گەردەلویل خوەڵوارین.