شەفەق نیوز- نەینەوا

سەرچەوەیگ لە پولیس نەینەوا، ئمڕوو سێشەممە، خەوەردا لە کوشیان گەنجیگ کە تەمەنی 20 ساڵان، لە ئەنجام تۊشهاتنی وە گولەیگ راستەوخۆ لە وەخت بۊینی لە باخچەی ماڵەگەی لە گەڕەک رافیدەین لە خوەراوای موسڵ، کە گولەیگ دا لە سەری و لە ئەنجامی گیان لە دەس دا.

سەرچەوەگە ئەرا ئاژانس شەفەق نیوز دووپات کرد، کە تەرم قوربانیەگە بریاس ئەرا فەرمانگەی پزیشک دادوەری ئەرا تەواوکردن رێکارە یاساییەیل و وەشکین پزیشکی، وتیش کە هیزەیل ئەمنی تۊنستن توومەتبارەگە دەسگیر بکەن وە پشت بەسانن وە ئەو سکاڵا و زانیاری و دانپیانانەیلە کە کەسوکار قوربانیەگە پیشکەشی کردنە.

 پولیس دیاری کرد کە توومەتبارەگە ئیسە لێکۆڵینەوە وەردی کریەێد لە لایەنە پەیوەندیدارەیل ئەرا زانستن هۊردەکاریەیل رۊداوەگە و مدووەیلی و جیوەجیکردن رێکارە یاساییەیل.