شەفەق نیوز ـ نەینەوا

سەرچەوەیگ ئەمنی لە نەینەوا، ئمڕوو پەنجشەممە، خەوەردا لە زەخمداری مەدەایگ لە ئەنجام تەقیان بۆمب لە قەزای شەنگال، هەمیش شار موسڵ تەقەلای خەیکوشتن ژنیگ وەخوەی دی کە وە مدوویەو ئەرا خەستەخانە کلکریا.

سەچەوەگە وە ئاژانس شەفەق نیوز وت"بۆمبیگ لە ەجیماگەیل رێکخریاگ داعش شەوەکی ئمڕوو تەقیا لە یەکیگ لە ناوچەیل بان کویەی شەنگال لە سنوور قەزای شەنگال خوەرئاوای نەینەوا، مەوقەی رەدبوین مەدەنیگ لە ناوچەگە، بویەسە مدوو تویشهاتن وە  زەخمداری.

وتیش "زەخمدارەگە ئەەرا چارەسەرکدن کلکریاسە خەستەخانە".

لە رویداو جیایگ، سەرچەوەگە دیاریکرد، خەستەخانەی سەلام لە موسڵ حالەتیگ خوەیکوشتن سەرنەکەفتیگ وەرگردیە کە ژنیگ بڕ گەپیگ لە حەب پزیشکی خواردیە، ئاشکرایکزد کارمەندەیل پزیشکی توەنستن ژیانی قورتربکەن، ئیرنگە چارەسەر وەرگردیە و وەرەو خاسەوبویە چێد.

سەرچەوەگە وتیش؛ لێکڵینەوە ئارا بندروس رویداوەگە و هووکار خوەیکوشتنی وازکریاس.