شەفەق نیوز ـ نەینەوا
سەرچەوەیگ ئەمنی لە پارێزگای نەینەوا، ئمڕوو شەممە، خەوەردا لە توومارکردن رویداوەیل خوەیکوشتن و مەرافە لەدوو ناوچەی جیای پارێزگاگە.
سەرچەوەگەوە ئاژانس شەفەق نیوز وت، رویداو یەکەم خوەیکوشتن پیایگە وە هەڵواسین خوەی لەناو ماڵ لە کویچەی ئنتیسار لەباشوور خوەرهەڵات شار موسڵ.
وتیش؛ وەپای زانیاری سەرەتایەیل هووکار رویداوەگە پەستان دەروینی و خێزانی بویە کە وەپی رەدبویە، و لایەنەیل ئەمنی لێکۆڵینەوە لە چوینیەتی رویداوەگە و هووکارەیلی وازکردن.
رویداوەگەیتر، وەردەوەردیگ لەناوەین بڕیگ کەس رویدا لەناو کۆمەڵەی نیشەجیبوین سەر وە ناحیەی بەرتەلە خوەرهەڵات موسڵ، زوی رەسیەس ئەرا دەسوەشانن، وەپای هەمان سەرچەوە.
ئاشکرایکزد، لە ئەنجام مەرافەگە 10 کەس تیش زەخمدار و کەوەوبوین و خرمش هاتن، کە ئەرا چارەسەرکردن کلکریانە خەستەخانە، دووپاتکرد پۆلیس دەسکردوە وەرگردن رێکار و وازکردن لێکۆڵینەوە ئەرا دیاریکردن ئەوکەسەیلە تاوانبارن و وەرگردن رێکار وەرانوەریان.