شەفەق نیوز ـ نینەوا
سەرچەوەیگ پزیشکی لە وەڕێوەبەرایەتی تەندروسی نینەوا، ئمڕوو سێشەممە، خەوەردا لە توومارکردن تويشبوییگ نوو دووپاتکریاگ وە بیماری تەوخوینوەربوین لە پارێزگاگە، دویای هاتن ئەنجام وەشکینەیل تاقیگەیی لە بەغدای پایتەخت.
سەرچەوەگە ئەرا ئاژانس شەفەق نیوز وت، بیمارەگە تەمەنی 45 ساڵە و دانیشتیگ ناحیەی گەیارە لە باشوور مووسڵە، خریاوێدە خەسەخانەی گشتی گەیارە جویر گومانکردن وە بیماریەگە، کە نموونە خوین لەلی وەرگیریا ئەرا تاقیگەی تەندروسی گشتی ناوەندی لە بەغدا کلکریا ئەرا تووپاتکردن دەستنیشانکردنەگە.
سەرچەوەگە دیاری کرد ئەنجام وەشکین تاقیگەیی ئەرێنیبون تویشهاتنی وە تەوخوینوەربین دووپاتکرد، دیاریکرد دەس وەجی تویشبویەگە ئەرا خەسەخانەی شفا ئەرا بیماری گوازراوەیل لە موسڵ کلکریا ئەرا پیشکەشکردن چەوەدێری پزیشکی هەوەجەکریاگ و دانانی لەژیر پرۆتۆکۆڵ چارەسەر پەسەنکریای.
سەرچەوەیگ پزیشکی لە وەڕێوەبەرایەتی تەندروسی پارێزگای نینەوا، لە 10 حوزەیران 2026، خەوەر دا لە توومارکردن تویشبوییگ نوو وە تو خوینوەربوین ئەرا مناڵیگ خەڵک ناحیەی بەعشیقە، و شمارەی تویشهاتنەیل توومارکریاگ لە پارێزگاگە لە هەفتەیل گوزەشتە بەرزەوبوی ئەرا چوار کەس.