شەفەق نیوز- نەینەوا

ئەنجومەن پارێزگای نەینەوا، لە دانیشتن ئاسایی خوەی، رووژ سێشەممە، بڕیگ لە بڕیارەیل گەشەپیدان و ستراتیژی فرە گرنگ پەسەن کرد.

 ئەنجومەنەگە لە بەیاننامەیگ کە ئاژانس شەفەق نیوز چەودیاریی کرد وت، کە لە پیشەنگی ئەو بڕیارەیلە دەنگدایمنە لەبان دروسکردن پاڵاوگەیگ بەرهەمکاری لە ناحیەی گەیارە وە توانای (70) هەزار بەرمیل لە رووژیگ ئەرا قایمکردن کەرت وزە، لەشان پەسەنکردن پیشنیار دامەزرانن زانکۆیگ لە شنگال، و هەموارکردن پلان سوودە کۆمەڵایەتییەیل ئەرا هەردگ کێڵگەی ساسان و عەلان.

 بەیاننامەگە وتیش کە ئەنجومەنەگە بڕیارەیل خزمەتگوزاری گردەسە وەر کە راسەوخۆ دەس دەنە ژیان هاووڵاتییەیل، کە دیارترینیان تەمەیکردنە وە وەخشین ئەو ناوچەیلە کە خزمەتگوزاری توڕەیل ئاوەڕوو نەیرن لەو کرایەیل ئاوەڕووە کە چەسپیانە، و ریداین وە سەردانیکەرەیل ئەرا هاوردنە ناو تەلەفۆنە زیرەکەیل ئەرا ناو فەرمانگە حکومییەیل وەرد قەیەغەکردن وینەگردن".

 دیاری کرد کە ئەنجومەنەگە هەمیش بڕیار میوانداریکردن وەرپرسەیل کەرت کشتوکاڵی دا ئەرا ئامادەکردن پلان وەرزانە، و بەشەوکردن زەوییەیل نیشتەجیبۊن ئەرا فەرمانبەرەیل ئەنجومەن و شارەوانییەیل.