‏شەفەق نیوز ـ بەسرە

‏هەردوو نەفت قورس و ناوڕاس بەسرە دەسکەفت هەفتانەی گەورەیگ توومار کردن، وەرد وەردەوامبوین لە بەرزبوین نرخەیلیان لە دواین دانیشتنەیل مامەڵەکردن، هاوکات وەگەرد بەرزبوین نرخەیل نەفت جیهانی، لە ناوەین وەشوینکەفتن بازاڕەیل ئەرا ئەوزەڵدانەیل جیۆسیاسی و شڵەژانەیل جویڵەی گواستنەوە لە ناوچەگە.

‏نەفت قورس بەسرە لە دواین دانیشتنەیل مامەڵەکردن بڕ 1.53 دۆلار ئەرا هەر بەرمیلیگ بەرزەو بوی، یا وە رێژەی 1.95%, تا لە نرخ 79.89 دۆلار ئەرا هەر بەرمیلیگ بەسریا، و دەسکەفت هەفتانەی گەورەیگ توومار کرد کە رەسیە 18.51 دۆلار، کە یەکسانە وە 30.16% بەراورد وە ئاست خوەی لە سەرەتای هەفتەگە لە 61.38 دۆلار.

‏لایەن بازاڕەیل جیهانییەو، داتاکەیل مامەڵەکردن نیشان دان کە نەفت خام تەکساسی ئەمریکی بەرزەو بوی ئەرا 86.84 دۆلار ئەرا هەر بەرمیلیگ، وە زیادبوونیگ بڕەگەی 0.01 دۆلار یا 0.01%، لەوەختیگ نەفت برێنت بەرز بوی ئەرا 94.05 دۆلار ئەرا هەر بەرمیلیگ، وە زیایبوونی 0.27 دۆلار یا 0.29%.

‏دەسکەفتە هەفتانەییەیل ئەرا نەفتەیل بەسرە لە سا ئەو بەرزبوینەیلە هات کە نرخەیل نەفت لە وەخت دانیشتنەیل هەفتەگە وە خوەی دی، لەوەختیگ بازاڕەیل جیهانی وەردەوامن لە کاریگەربوین وە ئەوزەڵدانەیل جیۆسیاسی و شڵەژانەیل جویڵەی گواستنەوە و دابینکردن لە ناوچەگە.

‏

‏