شەفەق نیوز- خوەرەڵات ناوەڕاس

داتایەیل بارهەڵگری نیشان دان کە جۊلەی کەشتییەیل لەڕی تەنگەی هورمز هێمان وە شیوەیگ فرە نزمە، وەگەرد توومارکردن کەمتر لە 20 کەشتی کە وەخت پشوو کووتایی هەفتە لە تەنگەگە رەد بۊنە، لەناو وەردەوامبۊن کۆتوبەندەیل لەبان جۊلەی دەریاوانی.

 وەپای داتایەیل کۆمپانیای کپلەر، لە زوان رۆیتەرزەو، 13 کەشتی رووژ شەممە و چوار کەشتی رووژ یەکشەممە لە تەنگەگە رەد بۊن، وەراورد وە 16 کەشتی لە رووژ جمعە.

 داتایەیل ئاژانس ئۆپراسیۆنەیل بازرگانی دەریایی لە شانشین یەکگرتگ نیشان دان کە 89 کەشتی تەنگەگە جێ هێشتنە و 103 کەشتی چگنەسە ناوی مەوقەی ئەو هەفتە کە لە 21 ئاب/ ئۆگۆست کووتایی هات، وە کەمەوبۊنیگ کە نزیکەی 90% لە ئاستەیل وەرجە جەنگ بوود.

 لەباوەت عراق، نەفتکیشیگ نەفت خاو گەپ خاڵی رووژ جمعە لەڕی تەنگەگەو چگە ناو کەنداو، و وەرەو عراق چگ، لە وەختیگ داتایەیل ترەک چگنەناو نەفتکێشیگ ئەرا ناو دەریای سوور لە رووژ شەممە نیشان دان کە نەفت خاو عراقی لە بەسرەو هەڵگردۊد.

هەمیش داتایەیل خەوەر دان، کە کەشتیەیل نەفت 45% لە بڕ گشتی جۊلەی دەریاوانی لەڕی تەنگەگە لەو ماوە بۊنە، لە وەختیگ جۊلەی کەشتییەیل لەڕی تەنگەی بابەلمەندەب لە ئاستەیل نزمیگ وەردەوام بۊ.