‏شەفەق نیوز ـ بەسرە

‏نەفت خامەیل قورس و ناوڕاس بەسرە زەرەد هەفتەیی توومار کردن، وەبان بەرزەوبوینیان لە کۆتایی مامەڵەیل هەفتەگە، لە وەختیگ کە نرخەیل جیهانی نەفت لە کۆتا دانیشتن داوەزیان، لەناو وەردەوامبوین بانوخوارکردنی لە بازاڕەیل نەفت.

‏نەفت خام قورس بەسرە لە کۆتا دانیشتن مامەڵەیل وە بڕ 2.16 دۆلار ئەرا هەر بەرمێلیگ بەرزەو بوی، کە وەرانوەر 4.10%، تا وە 54.79 دۆلار ئەرا هەر بەرمێلیگ رەسی، باوجی زەرەد هەفتەیی توومار کرد کە رەسیە 1.42 دۆلار، کە وەرانور 2.56% لەبەراورد وە ئاستی لە سەرەتای هەفتەگە.

‏هەمیش نەفت خام ناوڕاس بەسرە وە بڕ 2.16 دۆلار ئەرا هەر بەرميلیگ بەرزەو بوی، وە رێژەی 3.92%، تا وە 57.09 دۆلار ئەرا هەر بەرميلیگ رەسی، باوجی زەرەد هەفتەیی توومار کرد وە بڕ 1.42 دۆلار، کە وەرانوەر 2.49% پەیمانەکردنی  وە ئاست  سەرەتای هەفتەگە.

‏لەبان ئاست بازاڕەیل جیهانی، نەفت خام خوەرئاوا تەکساس لە کۆتایی مامەڵەیل وە بڕ 0.23 دۆلار داوەزیا، یا 0.30%، تا رەسیە 77.06 دۆلار ئەرا هەر بەرميلیگ، لە وەختیگ نەفت برێنت وە بڕ 0.30 دۆلار داوەزیا، یا 0.36%، ئەرا 82.19 دۆلار ئەرا هەر بەرميلیگ.

‏زەرەدەیل هەفتەیی خامەیل بەسرە وەبان بەرزەوبوینیان لە کۆتا دانیشتن تێد، وە مدووی ئەو داوەزیانە کە نرخەیل لە درویژایی دانیشتنەیل هەفتەگە وەخوەی دی، لە وەختیگ نرخەیل جیهانی نەفت کۆتا دانیشتن خوەیان وە داوەزیان کۆتایی وەدەسهاوردن.

‏

‏