شەفەق نیوز- بەسرە
هەردوگ نەفت خام قورس و ناوڕاس بەسرە مامەڵەیل هەفتەگە وە قازانج کۆتایی وەپێ هاوردن، وە پشتگیری بەرزەوبوین نرخەیلیان لە دۊیا دانیشتن، وەبان داوەزیان نرخ نەفت جەهانی وەرجە بەسانن.
نەفت خام قورس بەسرە لە دویا دانیشتن مامەڵەیل وە بڕ 1.01 دۆلار ئەرا هەر بەرمیلیگ بەرزەو بوی، و وە رێژەی 2.05%، تا لەبان 50.33 دۆلار ئەرا هەر بەرمیلیگ بوەسێد، و قازانج هەفتانەیگ وە بڕ 1.92 دۆلار و وە رێژەی 3.97% توومار کرد، وە بەراورد وە نرخەگەی لە سەرەتای هەفتە کە 48.41 دۆلار بوی.
هەمیش نەفت خام ناوەن بەسرە وە بڕ 1.01 دۆلار ئەرا هەر بەرمیلیگ بەرزەو بوی، و وە رێژەی 1.83%، تا لەبان 56.33 دۆلار ئەرا هەر بەرمیلیگ بوەسێد، و قازانج هەفتانەیگ وە بڕ 3.92 دۆلار و وە رێژەی 7.48% توومار کرد، وە بەراورد وە نرخەگەی لە سەرەتای هەفتە کە 52.41 دۆلار بوی.
لەبان ئاست بازاڕەیل جەهانیش، نرخ نەفت داوەزی، کە نەفت خام خوەرئاوای تەکساس ناوەن وە بڕ 0.93 دۆلار، یا وە رێژەی 1.13% داوەزی، تا برەسێدە 81.51 دۆلار ئەرا هەر بەرمیلیگ، لە وەختیگ نەفت خام برێنت وە بڕ 1.42 دۆلار، یا وە رێژەی 1.54% داوەزی، تا 90.56 دۆلار ئەرا هەر بەرمیلیگ توومار بکەێد.